Ghada ARNAUTI*
 |
| Ghada Arnauti |
KAM MËSUAR TË GËLLTIS HIDHËRIMIN
Kam mësuar të gëlltis hidhërimin
dhe t’i lehtësoj plagën
një poeme dëshmore
Kam mësuar si t’i fshij lotët e nënës sime
me një palmë ulliri
dhe të kërcej i gjakosur
vallëzimin e mbrëmjes
për të kërkuar fytyrën e Zotit
në syrin e agonisë që udhëton
për në Parajsë
O i dashur
Si mundet një himn të shpërngulet në zemrën e një psherëtime?
Si mundet një puthje të bëjë vetëvrasje në degën e jetës?
Si mundet dora e heshtjes të prekë folenë e një cicërime?
Nga arabishtja në anglisht përktheu: Nizar SARTAWI
Nga anglishtja në shqip përktheu: Ermal BEGA
* Ghada Arnauti është një poete libaneze me origjinë shqiptare,
e cila momentalisht jeton me familjen e saj në Kanada.
No comments:
Post a Comment